Maart 2009

 

Bon Futuro, korupshon i ekstorshon

Den un file di 171 página a sali na kla ku for di aña 1992 kos no tabata na òrdu den nos prison Bon Futuro. En total tabata tin 58 denunsia dor di mes un persona tantu na Ministerio Públiko, Prokurador General, Minister di hustisia, komo na Gobernador i Ofishal Fiskal, a demas di e otro denunsionan serka e direktor di e tempu ei i e komishonnan. Nunka ningun di e estansianan aki riba no a skucha e hende aki.

Nunka no a investigá nada i ta parse ku e hopi rapòrtnan i dokumentunan a disparsé. Nos ku ta siudadano ta kore peliger pa e huidanan ku ya pa hopi tempu tabata pronostiká i ku tabata ekstensamente denunsia. Kontrabanda di droga, arma i hopi otro opheto tabata ta, i ta te ainda, permití tantu pa direkshon i komo pa e wardadornan di preso. Segun e lista di preis athunto ku e file, ta konta ku personanan klave ta gana plaka brutu den nos prison. Hopi biaha mi a hala atenshon di e polítikonan lokal. a parse ku nan no a tuma nos na serio i ku konsientemente kier pone nos na peliger. Nos aparato hudisial i otro personanan responsabel ta tolerá desaparishon, likidashon, atrako, amenase i hopi otro akto kriminal. Awor ku mi a buska kontakto ku e polítikonan den eksterior i hasta a laga sa ku mi ta bai Union Europeo, ta parse ku polítika ta bai lanta fo’i soño.

Muchu lat den mi bista, pasobra nan tur ta na altura di e korupshon i akshonnan mafioso for di 1992 ora ku e persona aki a hasi e promé denunsia. 17 aña nan ta teniendo e persona aki na liña i awor ta basta. Laga polítikonan eksterior duna nan huisio riba e práktikanan mafioso i e pasonan robes di un hustisia ku ta fayando na Antias.

Kana a yena, realmente nos no por nos so.

John H. Baselmans (MKK)

 

 

Voor verdere artikelen Klik HIER